Д витамин, ШЕШ, Хоёрол тест, Гурвалсан тест, Хелокибактерийн шинжилгээнүүдийн урьтал бэлтгэл

Витамин Д шинжилгээний урьтал бэлтгэл

Тусгайлсан өвөрмөц шинжилгээний урьтал бэлтгэл байхгүй
Гэвч шинжилгээ авсаны дараа сорьц гемолизд орсон бол лабораторид дахин шинжилгээгээ өгөхийг зөвлөнө
Өндөр тунгаар (>5 mg/day) биотин агуулсан витамин ууж байгаа үйлчлүүлэгчээс шинжилгээний сорьц авахдаа ууснаас хойш дор хаяж 8 цагийн дараа авна

Шээсний ерөнхий шинжилгээ

Гараа угаана
Манай эмнэлгийн шээсний шинжилгээний анализатор нь шээс дамжуулах замд байгаа нянгийн халдварыг илрүүлдэг тул сорьцыг зөв цуглуулсан тохиолдолд оношын чухал ач холбогдолтой. Иймээс гар болон гадна бэлэн эрхтэнээ сайтар савандаж угааж сорьц цуглуулахыг эрмэлзэх хэрэгтэй.
Өглөөний эхний шээсний дунд 1/3 шээсийг зориулалтын саванд авна.
Эмэгтэйчүүд сарын тэмдэг ирээгүй байх үед шинжилгээ өгнө (ирэхийн өмнө болон дуусаж байх үед шинжилгээнд хэлбэлзэл үүсдэг тул шинжилгээ өгөхгүй)
Эмнэлэгт ирж зориулалтын саванд шээсээ авч лабораторид хүлээлгэн өгнө
Савнаас саванд юүлэхгүй
Шинжилгээг гэрийн нөхцөлд угаасан шил саванд авахгүй.
Зайлшгүй тохиолдолд зориулалтын саванд шээсийг авч нэг цагийн дотор лабораторид хүлээлгэн өгнө.

Хоёрол тест (Double test) болон Гурвалсан тест (Triple test)

Хоёрол тест

Хяналтын эмчийн зөвлөсөн хугацаанд (жирэмсний 11-13 долоо хоногтойд) шинжилгээг өгөх
Сүүлийн 3 хоног витамин (биотин агуулсан) хэрэглээгүй байх
Шинжилгээг авахын өмнө жирэмсний хоног тооцдог тул хяналтын дэвтэр эсвэл ЭХО-нд харуулсан зурагтайгаа ирэх
Манай эмнэлэг The Fetal medicine Foundation программын тусламжтайгаар ургийн гажиг илрүүлэх эрсдэл тооцдог тул лабораториос энэхүү шинжилгээнд лавлах утга гаргадаггүй

Гурвалсан тест

Хяналтын эмчийн зөвлөсөн хугацаанд (жирэмсний 16-18 долоо хоногтойд) шинжилгээг өгөх
Сүүлийн 3 хоног витамин (биотин агуулсан) хэрэглээгүй байх
Шинжилгээг авахын өмнө жирэмсний хоног тооцдог тул хяналтын дэвтэр эсвэл ЭХО-нд харуулсан зурагтайгаа ирэх

Хеликобактерийн шинжилгээ

Өлөн байх (шингэн зүйл уухгүй, юм идэхгүй)
Сүүлийн 28 хоног антибиотик хэрэглээгүй байх
PPI (Протон шахуургын ингибитор) ходоодны хүчил бууруулах эм хэрэглэсэн бол 14 хоногийн дараа шинжилгээг өгөх
Шинжилгээг зөвхөн 12-с дээш насныханд хийнэ
Жирэмсэн эмэгтэй эмчийн зөвлөсний дагуу өгөх
Шаардлагатай тохиолдолд хоол идсэнээс хойш 2 цагийн дараа өгнө

Үйлчлүүлэгч та дээрх шинжилгээнүүдийг өгөхийн өмнө урьтал бэлтгэлийг сайтар хангаж ирэхийг зөвлөж байна.

Зөвлөмжийг бэлтгэсэн: ГГНЭ-Эмнэлзүйн нэгдсэн лаборатори

Зөвлөгөө&Мэдээ