Зөвлөгөө&Мэдээ

Хепатит нь элэгний үрэвсэлт өвчнийг хэлнэ. Хепатит нь ихэнх тохиолдолд нянгийн халдвараас үүсдэг мөн өөр бусад шалтгаанууд ч бий.  

Хепатит нь 5 төрөл байдаг. Үүнд A,B,C,D,E 

Дэлхийн эрүүл мэндийн байгууллагаас 2022 оны байдлаар дэлхий даяар  354 сая хүн элэгний архаг В,С вирусийн халдвартай  байна гэсэн тоон мэдээлэл гаргажээ. 

Хепатит үүсэх шалтгаан

B,C,D вирус

• Цус, цусан бүтээгдэхүүн, ариутгагдаагүй зүү тариур
• Бэлгийн замаар
• Эхээс урагт

A,E вирус

• Бохирдсон гар, хоол, ус, хүнс
• Эд зүйлийн гадаргуу
• Бэлгийн замаар

Хепатитийн нийтлэг илрэх шинж тэмдгүүд

Вирус халдвар авсан эхэн үед ямар нэг тодорхой шинж тэмдэг илэрдэггүй. Харин хүндэрсэн тохиолдолд шинж тэмдгүүд ажиглагдаж эхлэнэ. 

• Ядрах
• Ханиад хүрсэнтэй адил шинж тэмдэг илрэх
• Хар бараан өнгөтэй шээх
• Цагаан цайвар өтгөн гаргах
• Хэвлий орчим өвдөх
• Хоолны дуршил буурах
• Жин хасах
• Арьс, нүд шарлах

 Хепатитийг хэрхэн оношлох вэ ? 

• Эмчийн үзлэг, оношлогоо
• Элэгний үйл ажиллагааны шинжилгээ
• Элэгний биопсийн шинжилгээ
• Хэвлий эхо

 Хепатитийг хэрхэн эмчлэх вэ ?

Элэгний вирус бие махбодид орчихсон л бол ханиадны вирустэй адил эм уугаад дарагдана гэж байхгүй. Элэгний вирусийн хамгийн аюултай нь үүнд байгаа юм. Нэгэнт орчихвол насан туршид нь байж байгаад тэр хүнийг элэгний хавдартай, эсвэл хатууралтай болгоно. Тиймээс вирус орсон тохиолдолд идэвхжүүлэхгүй, тогтоож барих эмчилгээ хийгддэг. Иймд хамгийн түрүүнд эмчид хандах хэрэгтэй юм. 

 Хепатитээс хэрхэн урьдчилан сэргийлэх  вэ ?

Хепатит  В-ийн эсрэг вакцин. 

Хаана хийлгэх вэ?

• Улаанбаатарт: Халдварт өвчин судлалын үндэсний төв
• Орон нутагт: Аймгийн нэгдсэн эмнэлэг, Сумын эрүүл мэндийн төв

Вакцины хийлгэх давтамж В вируст Хепатитын эсрэг вакциныг 3 тун тариулдаг.

• І тун  Эхний тунг тариулахаар сонгосон өдөр
• II тун Эхний тунг тариулснаас хойш 1 сарын дараа
• III тун эхний тун тариулснаас хойш 6 сарын дараа

Вакциныг та:

• В вирус тодорхойлох шинжилгээг сарын дотор өгч сөрөг хариутай байж вакцин хийлгэнэ
• Вакцины бүх тунгаа товлосон хугацаанд тариулах
• Энэхүү вакциныг хийлгэснээр Хепатит D вирусийн халдвараас давхар хамгаалагдана.
• Заавал хийлгэх товлолт вакцинд 4 тун тарьдаг тул хүүхдүүдээ бүрэн хамруулах

Хепатит А ба Е: Ариун цэврийн өрөө хэрэглэсний дараа болон хооллохын өмнө гараа угаа. Зөвхөн савласан эсвэл цэвэршүүлсэн ус уух.

Хепатит В ба С: Бэлгийн хавьтагчтайгаа бэлгэвч зүүж харилцаанд орох. Жирэмсэн эмэгтэйчүүд вирусийн халдварыг хүүхдэд дамжуулах өндөр эрсдэлтэй байдаг. Зүү эсвэл хувийн арчилгааны зүйлээ сахлын хутга, хумсны хутга, шүдний сойз гэх мэт зүйлсээ хуваалцаж болохгүй мөн шивээс хийлгэхдээ ариутгал халдваргүйтгэлийг сайтар шалгаж хийлгэх

Хепатит D: Хепатит D-ээс зайлсхийх хамгийн сайн арга бол В Хепатитаас урьдчилан сэргийлэх ба эмчлэх явдал юм.

Архины Хепатит: Согтууруулах ундаа хэтрүүлэн хэрэглэхээс зайлсхийх.

Аутоиммун Хепатит: Аутоиммун Хепатит өвчнөөс урьдчилан сэргийлэх арга байхгүй боловч эрүүл мэндийн байнгын үзлэгээр энэ төрлийн Хепатит өвчнийг эрт оношлох боломжтой.

Архигүй элэгний өөхний өвчин: Хоолны дэглэмээ хянаж, тогтмол дасгал хийж, жингээ хэвийн хэмжээнд байлгаарай.

2017 оны судалгаагаар насанд хүрэгчдийн э

• 11,1% В вирус 
• 8.5% С вирусийн халдвартай байгаа нь тогтоогдсон

Хепатит В,С вирусийн халдварын эмчилгээ монголд

2020 оны байдлаар

• Хепатитын С вируст халдвартай хүмүүсийн 40%
• Хепатитын В вируст халдвартай хүмүүсээс 30%   тус тус эмчилгээнд хамрагдсан байна. 

                                                                                                                                                            Зөвлөгөөг бэлтгэсэн: Дотрын их эм Б.Норжмаа

Powered by Froala Editor