Зөвлөгөө&Мэдээ

Гэрийн ажил хийх нь хүүхдэд ч гэр бүлд ч сайн нөлөөтэй мөн хүүхдийг илүү хариуцлагатай нэгэн болгон хүмүүжүүлдэг. 

Хүүхэд гэрийн ажил хийснээр их олон зүйлсийг сурдаг.  Гэрийн ажил хийх нь хүүхдүүдэд өөрсдийгөө гэр орон, гэр бүлээ халамжлахад юу хийх хэрэгтэйг ойлгуулахад тусалдаг. Хүүхдийг гэрийн ажил хийлгэж сургах нь хүүхдэд бусдыг хүндэлж сурах, багаар ажиллах, харилцааны ур чадвар зэрэгт суралцахад дэмжлэг үзүүлдэг. Хүүхдүүд гэр бүлийн амьдралд хувь нэмрээ оруулах нь тэднийг туршлагатай, хариуцлагатай мэдрэмж төрүүлдэг.  Хүүхдүүдэд   гэрийн ажил хийх нь таалагдахгүй байх үед эцэг эх, асран хамгаалагч нар эерэг үгсээр урамшуулж, зоригжуулах ингэснээр тэд ажлаа хийж дууссаны дараа сэтгэл ханамжтай, таатай мэдрэмж тэдэнд төрөх юм. Гэрийн ажлаа гэр бүлийн гишүүд хуваалцаж хийх нь гэр бүлийн стрессийг багасгана мөн гэр бүлийн уур амьсгалыг сайжруулдаг.  

Хүүхдийг хэзээнээс эхлэн гэрийн ажил хийлгэж эхлүүлэх вэ ?

Хүүхдэд гэрийн ажлыг бага наснаас эхлэн бага багаар хийлгэж сургах мөн гэрийн ажлыг хамтдаа хөгжилтэй байдлаар хийх нь хүүхдийг гэрийн ажил хийж сургахад томоохон нөлөө үзүүлдэг. 

Гэрийн ажил хийлгэж сургахын тулд хамгийн түрүүнд хүүхдийн насанд тохирсон ажил хийлгүүлэх явдал юм. 

Бага нас 2-3  

• Ном болон тоглоомоо хураахад эцэг эхдээ туслах
• Тоглоом болон эд зүйлсийг тавиур болон ширээнд тавих 

Сургуулийн өмнөх нас 4-5 

• Хоол хийхэд туслах
• Хувцас эвхэх
• Тоглоомоо хураах
• Дэлгүүрээс худалдан авалт хийхэд туслах

Сургуулийн насны 6-11 

• Цэцэг услах
• Тэжээвэр амьтнаа хооллох
• Угаасан хувцас эвхэх, цэгцлэх
• Хоол бэлдэхэд туслах
• Хог шүүрдэх, тоос арчих
• Ванн, угаалтуур   угаах
• Аяга таваг угаах, хураах

 Өсвөр нас 12-18 

• Бага байхдаа хийж сурсан гэрийн ажлаасаа илүү их гэрийн бүх ажлыг хийж чаддаг болсон байдаг мөн хийж буй гэрийн ажлаа илүү хариуцлагатайгаар хийж сурдаг. 

Хүүхдэд гэрийн ажил хийлгэж сургах ёстой 5 чухал шалтгаан 

• Хариуцлага хүлээж сурах
• Багаар ажиллах чадварт суралцах
• Бусдыг хүндэлж сурах
• Цагийн менежмент хийж сурах мөн төлөвлөгөө гаргаж сурах 
• Гэр бүлтэйгээ харилцах харилцаа сайжрах

Хүүхдийг гэрийн ажил хийлгүүлэхэд хэрхэн сэдэлжүүлэх вэ ?

• Хүүхэд гэрийн ажлыг ганцаараа хийж чадах хүртэл хамтдаа хийх
• Гэрийн ажил хийх ажлын төлөвлөгөө гаргах /өдөр өдрөөр эсхүл 7 хоногоор/
• Яагаад гэрийн ажил хийх ёстой, хийхийн сайн талуудын талаар ярилцах 
• Хийсэн гэрийн ажилд нь урмын эерэг үгс хэлж байх
• Урамшууллын чеклист гаргаж хийсэн ажилд нь tv үзэх, гэр бүлээрээ гадуур хооллох гэх мэт жижиг зүйлүүдээр урамшуулах 

 Жишээ нь:  

Powered by Froala Editor